Gazte Film Fest 2022 inauguratuko da, beste behin ere, Jesús Guridi MKPko Banda Profesionalak parte hartuko duen Kontzertu Bisualarekin, IRUNE MARTÍNEZ DE SANTOSen zuzendaritza eta hautaketa musikalarekin eta Pedagogia Musikalaren Sarrerako ikasleen laguntza bereziarekin. ITZIAR GARALUCE artista bisual gasteiztarraren eskutik datorkigu Kontzertu Bisual honen irudia. Oraingoan, zinema hedatuko lehen esperientzia izango duten neska-mutil talde txiki batek parte hartuko du.