Nathaniel Hlimi, Clémence Madeleine-Perdrillat / 2025 / Luxenburgo, Frantzia / 81’ / Euskarara bikoiztua

Violette zortzi urteko neska umezurtz bat da eta haren osaba Régisekin bizitzera bidaltzen dute; osabak Versailles jauregiko mantentze-lanak egiten ditu. Neskak bere senidea gorroto du: usain txarra du, ez du ia hitzik egiten eta gurasoekin ere ez du harremanik. Denboraren poderioz, ordea, Régis eta Violette elkarri ohituko dira.

GazteFilm Festek izen bereko film laburra izan zuen 2019an, ederki animatutako film honen ernamuina. Bertan, jauregiaren barrokismoa eta dolurako bidean dauden pertsonaien naturaltasuna eta hunkigarritasuna kontrastatzen dira.