Fernando Eimbcke / 2008 / Mexiko / 89’ / Jatorrizko bertsioa gaztelaniaz

“Bizitza auto baten motorra bezain konplexua da”. Auto istripu batek ematen dio hasiera heroiaren bidaia klasikoari. Berriz ere, Diego Cataño (Temporada de Patos filmeko aktorea) da Fernandoren film honen protagonista. Ez dirudi ezer gertatzen denik. Lehenengo eszenan puskatu duen autoaren motorra konpontzea da helburu nagusia. Baina arte martzialekin tematuta dagoen lagunak bizitzaren filosofiaren inguruko irakaspenak ematen dizkion arren, bizitzak behin eta berriz zaplaztekoak ematen dizkio. Argazkilaritza sinplea eta zehatza da, plano finkoz beterik dago; Mexikoren erretratua motel, lasai eta estilo yucatandar garbian erakusten digute. Artelan bat.