Karsten Kielerich - Stine Marie Buhl / 2026 / Danimarka / 83’ / Euskarara bikoiztua

Mumbo Jumbo haran txiki batean bizi da bere amarekin. Egun batean, ustekabean perretxiko misteriotsu bat jaten du eta, bat-batean, hazi eta erraldoi bihurtzen da. Bere tamaina handia dela eta, ez da bere etxetxo goxoan sartzen. Zorionez, Frede mandrilak arazoaren irtenbidea aurkitzen du; baina irtenbidea Siberian dago, eta Mumbok oinez joan beharko du hara. Gainera, Baba Yaga sorgina ere bilatu beharko du. Mumboren lagunik onenek, Tapirrek, Guepardek eta Mimbo Jimbok, lagunduko diote bidaia honetan.

Egileen hitzetan, “haurrei zinemako pantailatik haratago doan bizipen bat eskaintzea gustatuko litzaiguke. Esperientzia hau ez ahaztea espero dugu, eta oroitzapen bikaina izango dutela adiskidetasunari eta identitateari buruzko istorio atsegin eta hunkigarri honi esker”.